Prishtinë, 26 prill - Komisioni Parlamentar për Stabilizim Asociim, Kosovë – BE, në mbledhjen e sotme të kryesuar nga Xhavit Halitit, nënkryetar i Kuvendit, njëherësh edhe kryetar i këtij Komisioni, mbajti sot mbledhjen e radhës.

Me këtë rast, komisioni diskutoi lidhur me  përgatitjet e agjendës së takimit të  parë të  Komisionit Parlamentar për Stabilizim Asociim,  Kosovë - BE, i cili do të mbahet me datë 16 dhe 17 maj.

Anëtarët e komisionit shprehën përkushtimin e tyre  për organizimin sa më të mirë të këtij takimi, ndërkaq, lidhur me temat që do të diskutohen me atë rast, konsultimet do të vijojnë gjatë mbledhjes së nesërme, e cila do të nisë në orën 10:00.