Prishtinë, 2 nëntor -  Ish-kongresisti amerikan dhe kryetari i Ligës Qytetare Shqiptaro – Amerikane, Joe DioGuardi ka theksuar se çështja shqiptare në Ballkan ende nuk është e mbyllur.

DioGuardi këtë e deklaroi në aktivitetin e mbledhjes së fondeve për Kongresmenin Jerry Nadler, në lokalin e Fondacionit “Kolombi i Qytetarëve”, në Manhattan.

Ai ka folur për situatën dhe zhvillimet politike në Ballkan, duke vënë theksin tek vatrat problematike të çështjes së shqiptarëve në Maqedoni, Malin e Zi dhe Luginën e Preshevës transmeton INA.

Duke u ndalur te zhvillimet politike në Kosovë, DioGuardi ka apeluar për formimin sa më urgjent të institucioneve.