Prishtinë, 13 qershor - Analisti Agron Demi konsideron se AAK dhe Nisma janë dëmtuar me votë pas hyrjes së koalicion me PDK-në, derisa si të vetme do të arrinin të merrnin më shumë.

“AAK dhe Nisma kanë ndikuar në rritjen e kundërshtimit të qytetarëve në qeverisjen e PDK dhe LDK, duke kundërshtuar aktivisht politikat e qeverisë për demarkacionin dhe asociacionin”, ka shkruar Demi në Facebook.

Sipas Demit, në sekondat e fundit, duke lakmuar postin e kryeministrit, Ramush Haradinaj i ra shkelm krejt aktivitetit të tij opozitar dhe vendosi të ndaj përgjegjësinë me PDK. “Përrderisa VV perfitoi nga mos ndryshimi i qendrimeve, AAK-Nisma u dogjën afer PDK-së”, ka shkruar Demi.

Sipas tij, në rast se nuk do të hynin në koalcion me PDK, AAK-Nisma mund të merrnin 16-18% të votave. “Kësisoj, PDK do të dilte partia e tretë, pas VV dhe koalcionit LDK-AKR-Alternativa. E sot, nuk do kishte asnjë problem në krijimin e një qeverid pa PDK”, ka shkruar Demi.