Prishtinë, 9 gusht - Veprimtari Adem Demaçi ka deklaruar se hezitimi për të biseduar me Serbinë do shihej si qasje destruktive.

"Nuk bëhet kiameti nëse bëhen bisedime me Serbinë, nuk duhet lejuar në asnjë mënyrë që të diskutohet sovraniteti i vendit."

Sipas tij, nuk bëhet kiameti nëse bëhen bisedime me Serbinë, por thekson se nuk duhet lejuar në asnjë mënyrë që të diskutohet sovraniteti i vendit.

Demaçi ka thënë se autoritetet e Kosovës duhet që ta hedhin topin në ‘fushën serbe’ duke kërkuar nga Serbia të drejtat për shqiptarët në Luginën e Preshevës, zbatimin e marrëveshjeve dhe dëmshpërblimet e luftës, shkruan “Tribuna Shqiptare”.

Ai thotë se duhet nisur ofensivën politike ndaj Serbisë, e jo të priten propozimet e të tjerëve.