Prishtinë, 18 maj - Ministri Çollaku tha se deri në fund të këtij muaji Kosova do ta dorëzojë në Komisionin Evropian raportin përfundimtar për vizat.

Ministri i Integrimit Evropian, Bekim Çollaku ka bërë me dije se Qeveria e Kosovës ka kërkuar nga Kuvendi që pakoja e projektligjeve, të cilët do të diskutohen dhe që ndërlidhen me procesin e liberalizimit të vizave të miratohet me procedurë të përshpejtuar.

Çollaku tha për ‘Epokën e re’ se deri në fund të këtij muaji Kosova do ta dorëzojë në Komisionin Evropian raportin përfundimtar për vizat.

Në këtë kontekst, ai beson se do të vlerësohet pozitivisht puna e tyre nga partnerët evropianë, nga institucionet dhe nga shtetet anëtare të BE-së.

“Jam i bindur se raporti ynë do ta reflektojë përmbushjen e kritereve dhe do të dëshmojë se Kosova meriton plotësisht rekomandimin pozitiv për liberalizimin e vizave nga BE-ja”, është shprehur Çollaku.