Prishtinë, 27 prill - Ministrja e Integrimit Evropian në Qeverinë e Kosovës, Vlora Çitaku, ka thënë se serbët me pakon e Ahtisaarit kanë autonomi.

“Është krijuar një antagonizëm për autonominë. Në këtë rast kjo nuk nënkupton karakterin ekzekutiv”, ka thënë ajo në emisionin Interaktiv të KTV-së. “Serbia ka telashe me këtë marrëveshje dhe ata po detyrohen të zbatojnë një marrëveshje që shkel Kushtetutën e tyre”.

Kundërshtinë e madhe në Parlament për këtë Marrëveshje, Çitaku e ka quajtur normale.

“Është normale për shkak të historisë. Kemi pritur që kjo do të përcillet me tensione”, ka shtuar ajo.