Prishtinë, 24 qershor - Qytetarëve në Beograd Ministrja e Integrimeve Vlora Çitaku ia bëri të qartë se Pavarsia e Kosovës nuk ka më kthim pas, ndaj ata duhet ta pranojnë këtë realitet të ri.

“Gjatë qëndrimit në Beograd ua kam bërë të qartë institucioneve të Serbisë se Kosova është realitet i ri, dhe se me Serbinë mund të ketë vetëm fqinjësi të mire, e asgje tjetër”.

Kështu ka thënë ministrja e integrimeve, Vlora Çitaku, gjatë një interviste për Zërin. Ajo ka theksuar se gjatë qëndrimit në kryeqytetin Serb nuk ka hasur as më të voglin provokim, madje ka ndërmend që të vizitojë edhe Luginën e Preshevës, por më shumë situatën aty e rregullon normalizimi i marrëdhënieve mes Kosovës dhe Serbisë.