Prishtinë, 10 korrik - Përfaqësuesja e Lartë e Bashkimit Evropian për politikë të jashtme dhe siguri, Catherine Ashton sot arrin në një vizitë zyrtare në Republikën e Kosovës.

Sipas një njoftimi Zyrës së Bashkimit Europian në Prishtinë shefja e diplomacisë evropiane do të qëndrojë gjatë së mërkurës, ku do të takohet me udhëheqës të lartë të vendit.

Sipas njoftimit të BE-së, ajo në Prishtinë, gjatë ditës së sotme, do të takohet me presidenten Atifete Jahjaga dhe me kryeministrin Hashim Thaçi.

Kjo vizitë bëhet pasi të hënën në mbremje në Bruksel përfundoi rundi i 13 i takimit ndërmjet kryeministrave të Kosovës dhe Serbisë, përkatësisht Hashim Thaçi dhe Ivica Daçiqi, me ndërmjetësimin e zonjës Ashton.