Prishtinë, 7 nëntor -  Partitë e bllokut kanë hequr dorë nga posti i kryetarit të Kuvendit të Kosovës.

Lajmi është konfirmuar nga lideri i Nismës, Fatmir Limaj.

“Ne si bllok jemi të gatshëm që të heqim dorë nga posti i kryetarit të Kuvendit, të drejtë këtë që Kushtetuesja ia ka dhënë PDK-së, në qoftë se presidentja Jahjaga, plotëson një kërkesë që ne ia kemi dërguar, që shumicës parlamentare t’i jepet e drejta për ta qeverisur vendin. Presim dhe kërkojmë reflektim nga PDK-ja dhe Flora Brovina që ta thërret seancën”, ka thënë Limaj.

Limaj ka përsëritur se blloku është unik.