Prishtinë, 24 mars - Përfaqësuesja e Posaçme e Bashkimit Evropian, Natalie Apostolva dhe shefat e misioneve të BE-së në Kosovë përmes një deklarate për media kanë fuar të gjithë udhëheqësit e institucioneve që të punojnë së bashku kundër koronavirusit.

"BE-ja qëndron bashkë me Kosovën në luftën kundër COVID-19. Në këtë kohë të vështirë dhe sfiduese, populli i Kosovës ka nevojë për udhëzime të qarta dhe siguri se do të ndërmerren të gjitha masat e mundshme për t’i zbutur efektet e pandemisë."

"I bëjmë thirrje të gjithë udhëheqësve të institucioneve që të punojnë së bashku, (në respektim të plotë të kushtetutës së Kosovës) dhe ta drejtojnë tërë energjinë dhe mundin e tyre drejt luftimit të pandemisë dhe ofrimit të sigurisë për popullin e Kosovës."

"Nuk është koha për antagonizma politik ose institucional, por për unitet politik”, thuhet në deklaraten e Përfaqësueses se Posaçme e Bashkimit Evropian dhe shefave te misioneve të BE-së në Kosovë.