Prishtinë, 6 qershor - Zyra e Bashkimit Evropian në Kosovë ka thënë se Kosova duhet të lejojë që hetimet për krime lufte të realizohen, nëse duan t,u shërbejnë vlerave të tyre historike të luftës.

BE-ja i ka përmendur Qeverisë dhe Kuvendit nenin 4 të Kushtetutës së Kosovës që fletë për ndarjen e pushteteve, shkruan Koha Ditore.

“Ne vetëm mund të përsërisim se duhet të bëhet dallim i qartë midis pushtetit gjyqësor, ekzekutiv si dhe atij legjislativ.

Ky dallim paraqitet në nenin 4 të Kushtetutës së Kosovës, ku shkruan se parimi i ndarjes se pushtetit ka rëndësi kryesore”, ka deklaruar Zyra e BE-së në Kosovë.