Prishtinë, 12 maj -  Ish-kryeministri i Kosovës, Bajram Kosumi po rikthehet në skenën politike.

Ai ka vendosur që në zgjedhjet e parakohshme parlamentare, të cilat do të mbahen më 8 qershor t’i bashkohet Aleancës Kosova e Re (AKR) dhe të jetë në listën garuese për deputet të kësaj partie. Këtë lajm e ka konfirmuar për “Tribunën” vet Kosumi.

Angazhimet e tij në partitë politike mbahen mend nga Partia Parlamentare e deri te Aleanca për Ardhmërinë e Kosovës (AAK) dhe mandati i tij si kryeministër i Kosovës.

Partisë së Behgjet Pacollit, ditëve të fundit i është bashkuar edhe Naim Maloku dhe Dardan Gashi.