Prishtinë, 1 dhjetor - Audio-incizimet e bisedave ndërmjet zyrtarëve të lartë të Qeverisë, përfshirë kryeministrin Hashim Thaçi, mund të jenë shpërndarë nga avokatët mbrojtës.

Kështu shprehet EULEX-i i cili ka deklaruar se audio regjistrimet janë pjesë e një hetimi që është duke u zhvilluar dhe se ato u janë dorëzuar avokatëve mbrojtës dhe gjykatësve në Prishtinë, duke mos përmendur se për cilin rast dhe për cilin person që është nën hetim bëhet fjalë, raporton agjencia AP.

Një burim ndërkombëtar i sigurisë, i cili ka dashur të mbetet anonim, ka thënë se përgjimi “është pjesë e hetimit për korrupsion në Ministrinë e Transportit”.