Prishtinë, 14 dhjetor - Agjencia e Statistikave të Kosovës e përkrahur nga projekti i Statistikave të Suedisë (SCB)/Sida, ka kënaqësinë t\'ju ftojë me përzemërsi në Konferencën me temë "Gratë dhe Burrat në Kosovë, 2014-2015".

Qëllimi kryesor i Konferencës është publikimi i raportit për “Gratë dhe Burrat në Kosovë” për vitet 2014 dhe 2015.

Me rastin e shpalljes së rezultateve të raportit  “Gratë dhe Burrat në Kosovë, 2014/2015”, përfaqësues të lartë të organizatave dhe institucioneve ndërkombëtare e vendore do ta përshkruajnë rëndësinë e këtyre të dhënave për zhvillimin e Kosovës, duke theksuar gjithashtu rëndësinë e tyre nga perspektiva evropiane dhe të tjera.