Vushtrri, 2 shtator - Aleanca Kosova e Re (AKR), ka mbajtur Kuvendin Zgjedhor të Forumit të Gruas të Degës së Vushtrrisë.

Në Kuvend të pranishëm ishin: Shefja e Grupit Parlamentarë të AKR-së, Deputetja Syzana Novebrdaliu,kryetari i Degës së Vushtrrisë Nasuf Aliu , anëtarë të Kryesisë nga qendra si dhe një numër i madh i delegatëve.

Kryetare e Forumit të Gruas në Vushtrri ku kishte edhe kundër kandidate, me shumicë votash u zgjodh znj.  Arta Haxhaj.

Arta Haxhaj, tha se, të pasosh një detyrë të tillë, si ajo e udhëheqëses të grave së AKR-së në Vushtrri, është më shumë se sa një privilegj, është një përgjegjësi jashtëzakonisht e madhe pasi që ky Forum, kjo strukturë partiake është si një motor që nuk di të ndalet së punuari asnjëherë.

 “Idetë dhe aktivitetet që janë realizuar nga Forumi i Gruas, kanë qenë gjithmonë atraktive, të qëlluara dhe shumë të sakta, duke goditur gjithmonë në shenjë prandaj, nisur nga ky fakt, ne të gjithë së bashku të zgjedhurit nga vota juaj, duhet të ndjejmë përgjegjësi së pari ndaj jush e njëkohësisht ndaj të gjithë atyre të grave që përfaqësojmë si subjekt partiak”, u shpreh Kryetarja Arta Haxhaj.

Në Kuvend foli edhe Deputetja Suzana Noveberdaliu  e cila tha: “ Nga  ky Kuvend, ju bëjmë thirrje të gjithë atyre grave, të cilat kanë vullnet, dëshirë dhe ide për të sjellë ndryshimin, të bashkohen me programin tonë, të bashkohen me misionin tonë, për një të ardhme më të mirë” .

Ndërsa kryetari i Degës së Vushtrrisë  z.Nasuf Aliu  “ U zotua që do të punoj ngushtë me Forumin e Gruas me qellim të përbashkët  në fitoren e  AKR-së dhe jetësimin e programit tonë politik që do të fuqizoj  rolin e gruas/femrës dhe përmirësimin e standardit jetësor përmes kujdesit institucional dhe punësimit”.