Ambasadori Kelly konfirmoi mbështetjen e Irlandës për Kosovën
Zëvendës Ministrja Statovci-Demaj priti në takimin e rregullt protokollar Ambasadorin Kelly.
Ajo e falënderoi atë për mbështetjen që Irlanda i ka ofruar Kosovës gjatë këtyre viteve dhe shprehi bindjen se ky bashkëpunim bilateral do të vazhdojë edhe në të ardhmen.
Ndërkaq, Ambasadori Kelly konfirmoi gatishmërinë e Qeverisë Irlandeze për vazhdimin e bashkëpunimit me Kosovën dhe forcimin e mëtejmë të marrëdhënieve bilaterale mes dy vendeve.
Të dy bashkëbiseduesit vlerësuan se përkundër sfidave të brendshme me të cilat po ballafaqohet Bashkimi Evropian, perspektiva evropiane e vendeve të Ballkanit Perëndimor mbetet e palëkundur, gjë e cila është konfirmuar nga të gjithë liderët e shteteve anëtare të Bashkimit Evropian.
