Prishtinë, 14 tetor - Presidentja e Republikës së Kosovës Atifete Jahjaga priti sot në takim z. Yousuf Hassen Al-Saaii,  ambasador i Shtetit të Katarit në Tiranë,  jorezident për Kosovën, i  cili i dorëzoi letrat kredenciale.

Presidentja Jahjaga e uroi ambasadorin Al-Saaii,  për detyrën e  re dhe i dëshiroi sukses në përmbushjen e misionit të tij si ambasador jorezident në Prishitnë, duke theksuar gatishmërinë e institucioneve të Republikës së Kosovës për thellim të marrëdhënieve dhe bashkëpunimit me Shtetin e Katarit.

Ambasadori  Al-Saaii, shprehu gatishmërinë e institucioneve të vendit të tij për të thelluar bashkëpunimin me institucionet e Republikës së Kosovës në çdo fushë me interes të ndërsjellë.