Prishtinë, 23 dhjetor -  Presidentja e Republikës së Kosovës,  Atifete Jahjaga, priti sot në takim ambasadorin e ri të Republikës së Bullgarisë në Republikën e Kosovës, Nedialtcho Dimitrov Dantchev, i cili i dorëzoi letrat kredenciale.

Presidentja Jahjaga vlerësoi marrëdhëniet shumë të mira ndërmjet dy vendeve dhe theksoi rëndësinë e thellimit të bashkëpunimit në të gjitha fushat. Ajo tha se Republika e Bullgarisë i ka dhënë përkrahje të plotë Kosovës në proceset e saj demokratike dhe në rrugën e integrimeve euroatlantike.


Ambasadori i ri i Republikës së Bullgarisë në Republikën e Kosovës, zotëri Nedialtcho Dimitrov Dantchev, tha se vendi i tij do të vazhdojë mbështetjen për Kosovën dhe për procesin e integrimit të saj në BE.