Prishtinë, 7 dhjetor - Nuk mjafton të kesh karrierë të pasur profesionale apo të jesh njohës i mirë i marrëdhënieve ndërkombëtare për ta përfaqësuar Kosovën në cilësinë e ambasadorit në qendrat vendimmarrëse ndërkombëtare.

Preferenca politike është “viza” për t’u emëruar ambasador i Kosovës, i shtetit më të ri në Evropë, dhe kjo ka bërë që imazhi i një ambasadori, nga një njeri me karrierë profesionale që do duhej të ishte, të degradojë në një ambasador “kukull”.

Përndryshe, vlerësohet se shumë pak ambasadorë me punën e tyre kanë arritur t’ia përmirësojmë imazhin e Kosovës në botë, duke demonstruar kështu që shteti ynë është i denjë për të zënë vendin e merituar në mesin e kombeve të lira të botës.

/Zëri/