Prishtinë, 18 nëntor - Ambasada e Shteteve të Bashkuara të Amerikës (SHBA) është e inkurajuar nga raportet fillestare për dalje të lartë në zgjedhje dhe procedurë të sigurtë dhe rregullt të votimit në qendrat votuese në Mitrovicën e Veriut të dielën.

Zgjedhjet lokale japin një mundësi të rëndësishme për të ndikuar në vendimet që janë të rëndësishme për qytetarët.

Ambasada amerikane thekson në komunikatë se përcjellë nga afër rapoprtet lidhur me parregullsitë në qendrat votuese dhe pret që të gjitha çështjet të zgjidhen në përputhje më ligin e Kosovës.

\"Ne përshëndesim përpjekjet e Policisë së Kosovës për të siguruar se të gjithë qytetarët kanë pasur mundësinë të votojnë pa frikë nga dhuna apo frikësimi, dhe e falënderojmë OSBE-në, EULEX-in dhe KFOR-in për kontributin e tyre për suksesin e votimeve të djeshme\", theksohet në fund të komunikatës së ambasadës së SHBA-ve.