Prishtinë, 3 qershor - Asociacioni i Komunave të Kosovës (AKK) ka reaguar për sulmin ndaj ndërtesës së Komunës së Mitrovicës.

Sipas një reagimi të AKK-së, sulmi ndaj një institucioni komunal, është akt i ulët dhe tërësisht i papranueshëm në Kosovën demokratike.

“Në emër të komunave të Republikës së Kosovës, Asociacionin i Komunave të Kosovës dënon ashpër sulmin e armatosur ndaj ndërtesës së Komunës së Mitrovicës. Sulmi ndaj një institucioni komunal, është akt i ulët dhe tërësisht i papranueshëm në Kosovën demokratike. Asociacioni i Komunave të Kosovës kërkon nga organet e rendit që ndaj autorit të këtij akti të shëmtuar të merren të gjitha masat ligjore në mënyrë që të mbrohet autoriteti i të zgjedhurve lokal në Komunën e Mitrovicës dhe në gjithë pushtetin lokal në Kosovë. Asociacioni i Komunave të Kosovës inkurajon udhëheqësit e Komunës së Mitrovicës në angazhimet e tyre të përditshme në shërbim të qytetarëve të komunës së tyre”, është thënë në reagimin e AKK-së.
Të enjten është sulmuar me kallashnikovë ndërtesa e Komunës së Mitrovicës.