Prishtinë, 13 janar - Kryetari i Komunës së Prishtinës, Shpend Ahmeti, priti në takim Përfaqësuesin Special të BE-së në Kosovë, Samuel Žbogar.
Në këtë takim u diskutua për bashkëpunimin që kanë pasur në të kaluarën me Komunën e Prishtinës, të gjitha sfidat që kanë qenë në të kaluarën si dhe prioritetet e Komunës.

Kryetari Ahmeti tha se ky ishte një takim i frytshëm, bashkëpunues, dhe ky bashkëpunim do të vazhdojë edhe në të ardhmen në të mirë të qytetarëve të Komunës së Prishtinës.


Samuel Žbogar tha se Prishtina nuk është thjeshtë qytet i madh, por është kryeqytet, dhe si i tillë ka përgjegjësitë e veta.

“Prishtina është qendër e edukimit, kulturës dhe ekonomisë, dhe si e tillë i jem shumë përgjegjësi Kryetarit të Komunës dhe ekipit të tij”, tha ndër të tjera Žbogar, duke shtuar se Bashkimi Evropian ka kënaqësinë të jetë pjesë e këtij plani, këtij bashkëpunimi, dhe e sukseseve të mëtutjeshme.