Prishtinë, 24 shtator - Në vazhdën e aderimeve të reja, AKR-së sot iu bashkua edhe Ish-Kryesia si dhe një pjesë e Kryesisë aktuale të degës së parë të Kodrës së Trimave, nga partia Lidhja Demokratike e Dardanise.
 
Të aderuarit e rinj i mirëpriti Serkretari i Përgjithshëm i AKR-së, z.Ibrahim Makolli, si dhe kandidati për Kryetar të Komunës së Prishtinës z.Korab Sejdiu.
 
Z.Makolli i mirëpriti të aderuarit e rinj, duke iu falenderuar që ju bashkuan vizionit të partisë, “AKR-ja është Parti e vlerave dhe me vizion të qartë për të bërë ndryshime.
AKR ja ka hapur dyert për të gjithë ata që dëshirojnë të shohin një Kosovë dhe Prishtinë ndryshe.”
 
Në emër të aderuarëve të rinj, fjalën e mori ish kryetari I degës së LDD-së, Argjend Hasani, I cili ndër të tjera tha: "Kemi ardhur ta mbështesim vizionin e presidentit Pacolli, për Kosovën si dhe kandidatin për Kryetar të Prishtinës, z.Korab Sejdiu.
Njëherit falënderoi z.Pacolli për hapjen e dyerve për të rinjtë të cilët dëshirojnë ta shohin një Prishtinë ndryshe.
 
“Jemi të përkushtuar që të angazhohemi të punojmë për të mirën e qytetarëve të Prishtinës, kjo është edhe arsyeja që iu bashkuam AKR-se “ u shpreh Hasani.