Abrashi: Qeveria është e vendosur të shkojë deri në fund të mandatit
Abrashi u shpreh se kauza politike e opozitës nuk po gjen hapësirë te qytetarët dhe kjo sipas tij, është parë në dy protestat e fundit të tyre.
"Opozita ka bërë ftesa në dy raste për protesta, por në të dyja rastet ka pasur një dështim të plotë. Kauza e tyre politike nuk po gjen hapësirë të qytetarët. Gjithashtu edhe një numër brenda këtyre partive kanë shfaqur rezerva ndaj formave që këta i kanë përdorur."
Ai tha se opozita po synon ta çojë vendin në zgjedhje të parakohshme, “por kjo është e papranueshme”.
"Ata po tentojnë të shtyjnë vendin drejt zgjedhje të reja, por kjo është e papranueshme sepse ne nuk biem pre e shantazheve të një numri të vogël deputetësh, pasi kemi punë të mëdha për të bërë deri në fund të mandatit", ka theksuar ai.
Arban Abrashi shtoi se Qeveria është e vendosur të shkojë përpara dhe synimi i saj është që deri në fund të mandatit të përfundojë të gjitha çështjet e hapura me Serbinë.
