Prishtinë, 16 tetor - Këshilli Drejtues i AAK-së, ka mbajtur sot mbledhje të jashtëzakonshme, në të cilën njëzëri ka vendosur t’i mobilizojë anëtarësinë, simpatizantët dhe qytetarët për një protestë kundër kryeministrit dhe qeverisë.

Këshilli Drejtues i kësaj partie, ka vlerësuar se marrëveshjet politike të nënshkruara nga kryeministri Mustafa e shndërrojnë Kosovën në shtet jofunksional, prandaj është e domosdoshme që ato të mos zbatohen.

Në një takim të mbajtur pa prezencën e medieve, Këshilli Drejtues i AAK-së, e ka autorizuar lidershipin e partisë që t’i koordinojnë veprimet kundërshtuese edhe me partitë tjera opozitare, me shoqërinë civile, qytetarët dhe të gjithë ata që besojnë se këto marrëveshje janë në kundërshtim me interesat e Kosovës.