Prishtinë, 18 nëntor - Kryeasia e AAK-së, në një mbledhje të mbajtur para pak çastesh, ka vlerësuar se arrestimi i deputetes Donika Kadaj-Bujupi, është një arrestim politik dhe s ii tillë duhet të përfundojë menjëherë.

AAK e konsideron krejt të panevojshëm ndalimin dhe arrestimin e deputetës, dhe u kërkon organeve të drejtësisë që të mos zbatojnë urdhërat e politikës, dhe ta lënë deputeten të lirë.

"Arrestimi i deputetëve, për aktivitetin e tyre politik, cfarëdo qoftë ai, është mesazh i keq për shtetin e së drejtës në Kosovë".

Anëtarët e kryesisë së AAK-së, në shënjë revolte ndaj këtij vendimi politik, janë nisur për një protestë përpara qeverisë së Kosovës, me të vetmën porosi “Lirojeni deputeten Kadaj-Bujupi”!