Prishtinë, 6 prill - Kryesia e Aleancës për Ardhmërinë e Kosovës (AAK), në një mbledhje të jashtzakonshme të mbajtur sot ka diskutuar zhvillimet politike në vend, me theks të posaçëm kundërshtimin e keqqeverisjes.

Anëtarët e Kryesisë së AAK-së, kanë shprehur vendosmërinë e anëtarësisë që e përfaqësojnë për vazhdimin e kundërshtimit të qeverisë aktuale dhe të marrëveshjeve kundërkushtetuese.

AAK ka theksuar se është tejet e interesuar që të vazhdojë kundërshtimin e përbashkët opozitar, duke përfshirë edhe protestat e përbashkëta.

Por sipas AAK-së nëse nuk do të ketë një dakordim me partnerët opozitarë për menyrën  formën dhe kohën e kundërshtimit të përbashkët, AAK shumë shpejt do të thërrasë e vetme protesta gjithpopullore. 

\"Kundërshtimi i kësaj keqqeverisjeje, është një çështje jetike për vendin, dha ajo nuk do të ndalet\", thekson AAK.