Prishtinë, 23 mars -  Analisti politik, Artan Muhaxhiri ka vlerësuar se 100 ditëshi i parë i Qeverisë së drejtuar nga Isa Mustafa është karakterizuar me veprime pozitive e negative.

Ai ka thënë se gjatë kësaj periudhe nga kabineti qeveritar nuk ka pasur afera të korrupsionit, por as kreativitet politik.

Muhaxhiri për ‘Epokën e re’ tha se kjo qeveri duhet t’i fokusojë investime politike, financiare dhe institucionale në normalizimin e sistemit të drejtësisë dhe në zhvillimin ekonomik.

Ai ka thënë se niveli i suksesit të kësaj qeverie do të varet nga vullneti politik i Mustafës dhe Thaçit.

Ndërsa, sa i përket rolit të opozitës, ai ka vlerësuar se partitë opozitare kanë qenë në pozitë të pafavorshme dhe tani duhet t’i presin gabimet e qeverisë.