Prishtinë, 8 mars - Fondacioni Jahjaga në bashkëpunim me Ambasadën Holandeze organizon ngjarjen "10 Rrëfime - Jo kuotë, por vlerë".

Në këtë ngjarje 10 gra asambleiste, udhëheqëse të drejtorive komunale dhe gra në pozita tjera udhëheqëse nga komuna dhe parti politike të ndryshme do të ndajnë me ne rrugëtimin e tyre në politikë.

"Për herë të parë këto gra do të ndajnë rrëfimin e tyre në këtë format, ku ne do të kemi mundësinë të mësojmë dhe të inspirohemi me punën e tyre, që tregon sa gratë i kontribuojnë politikës dhe se pa ato nuk kemi politika të mirëfillta që përmirësojnë jetën e qytetarëve", thekson Fondacioni Jahjaga.