Prishtinë, 23 shkurt - Zyra e BE-së dhe Ministria e Tregtisë dhe Industrisë organizojnë një vizitë monitoruese dhe promocionale në terren tek përfituesit e Programit të Granteve për NMVM në komunën e Prishtinës dhe atë të Gjilanit.

Qëllimi i këtij programi është rritja e performancës, rezultateve, kapaciteteve për eksportim, punësimit të NMVM-ve në Kosovë, duke ofruar një qasje alternative në financa përmes granteve. 

Programi i Granteve për NMVM financohet nga BE-ja dhe MTI-ja dhe implementohet nga Organizata Ndërkombëtare për Migrim.

Vlera e këtij projekti është 4 milionë euro (financimi i BE-së është 3 milionë euro).

Kompanitë që do të monitorohen sot janë Kompania \"Logistics Plus” Sh.a., në Komunën e Prishtinës dhe Kompania D.P.Z. “TEKOM”,  fshati Livoc i Poshtem në Gjilan.