Prishtinë, 14 nëntor - Hapësirave të gjelbëruara në qytet iu janë shtuar edhe sipërfaqja prej 4300 metra katrorë. Në hapësirën përgjatë rrugës hyrëse në qytet është mbjellur bari dhe drunjë dekorativ të llojit Rrapi, Catalpa, bliri dhe kumbull e kuqe.

Fatos Koxha, menaxher i projektit ka theksuar se drunjë dekorativ të llojit të sipërpërmendur janë mbjellur edhe përgjatë bulevardit “Ismail Raka”, në krahun e djathtë të rrugës ku janë zëvendësuar pishat e thara dhe të dëmtuara. Për realizimin e projektit janë investuar afër 10 mijë euro nga buxheti i Komunës.