Prishtinë, 19 shkurt - Sot Kryetari i Odes Ekonomike të Kosovës Safet Gërxhaliu priti në takim Kryetarin e Shoqatës së Zejtarëve të Prishtinës, Kryetarin e Shoqatës së Zejtarëve dhe Afaristëve të Prizrenit, Kryetarin e Zejtarëve dhe Hotelerive të  Pejës, Shoqatën e Zejtarëve të Gjakovës, Shoqatën ” ESNAF” dhe Shoqatën  “SOFRA” i  cili u mbajt në  lokalet e Odes Ekonomike të  Kosovës dhe  u diskutua për problemet me të  cilat po ballafaqohen Zejtarët  Kosovar me  servisimin e Arkave Fiskale.

Në takim u tha se edhe përkundër premtimit të dhënë  nga Institucionet  përgjejgëse Shteterore se pagesa  për servisimin e arkave fiskale do të  jetë  rreth 50 Euro, ata janë të  detyruar të paguajnë shumë më shtrejtë  kurse për nderimin e veprimtarisë paguajnë prej 170 deri në  200 Euro si dhe  për prishje eventuarle paguajnë ekstra shtesë.

Duke marrë  parasyshë  gjendjen shumë të rëndë  ekonomike  të zejtarëve të Kosovës si dhe faktin se nga ana e Institucioneve Shteterore u pate premtuar atyre se fiskalizimi i  Zejtarëve do të  bëhet në fazen e fundit si dhe faktin se për të diskutuar për këto probleme është kërkuar takim me Digasterët Qeveritarë përgjegjese por nuk kanë hasur në mirëkuptimin e tyre,  Kryetarët e Shoqatave të  lartëpermendura vendosën që organeve përgjegjëse Qeveritare tu drejtohen me një  kërkesë  ultimative që në  afat prej 14 ditësh të jetësohet premtimi i  dhënë  se pagesa për fiskalizim do jetë 50 Euro. Në të kundertën ata kanë kërcenuar se do ta bojkotojnë  procesin e fiskalizimit.

Kryetari Gërxhaliu i dëgjoi shqetësimet e përfaqesuesve të Shoqatave Zejtare nga Kosova duke theksuar se për këtë problem është debatuar edhe në të kaluaren në nivele të ndryshme Institucionale dhe gjithëherë kemi hasur në mirëkuptim verbal.

\"Është koha kur duhet në këtë drejtim të avancohet dialogu konstruktiv dhe aty ku ka mundësi të reagohet me qëllim të ruajtjes së traditave të ndermarrësisë tradicionale dhe që fiskalizimi të mos shihet dhe trajtohet si barrierë por si një mundësi e avancimit dhe zhvillimit ekonomik ku do të eleminohen dukuri negative të  informalitetit dhe do të krijojnë mundësi të barabarta për të gjithë\", theksoi Gërxhaliu.