Athinë, 8 dhjetor - Parlamenti grek ka vendosur të votojë buxhetin e vitit të ardhshëm, ndërsa jashtë tij janë zhvilluar protesta kundër masave shtrënguese.

Qeveria greke ka nxitur diskutimet rreth buxhetit, i cili parashikon rritje ekonomike për të dytin vit rradhazi.

Megjithatë buxheti i ri injoron kritikat e huadhënësve, sipas të cilëve Athina nuk do të arrijë të përmbushë objektivat e saj. Protestuesit kundërshtojnë zbatimin e masave shtrënguese vitin e ardhshëm.

\"Çdo ditë gjendja jonë po përkeqësohet dhe në 5 vitet e fundit nuk kemi parë asnjë përparim. Ne vetëm zhytemi në borxhe dhe duket sikur kështu do të vazhdojë deri në fund të jetës sonë. Kjo është e vërteta.\"

Qeveria greke po zhvillon bisedime me huadhënësit e saj nga BE dhe FMN për të siguruar paketën e shpëtimit në fund të këtij viti, përpara përfundimit të afatit të saj.