Prishtinë, 29 gusht  - Ministri i Financave Agim Krasniqi, sot zhvilloj takim me përfaqësuesin e Fondit Monetar Ndërkombëtar për Kosovën Ruud Vermeulen. Në këtë takim u diskutua për trendet e politikës fiskale dhe ekonomike, si dhe për ekzekutimin e buxhetit të vitit 2017.
 
Ministri Krasniqi dhe z. Vermeulen ndanë shqetësimin e përbashkët se vonesa në konstituimin e institucioneve të reja po shkakton sfida në vazhdimin e reformave të nevojshme fiskale, përfshirë këtu edhe reformën e skemave përfituese të veteranëve të luftës.
 
Gjatë takimit, Ministri Krasniqi theksoj përkushtimin e Ministrisë së Financave për përmbushjen e obligimeve të Kosovës si anëtare e FMN-së për të mbarëvajtur stabilitetin makro-financiar. Në këtë drejtim, ai e siguroj përfaqësuesin e FMN-së se Ministria e Financave vazhdon të monitorojë ekzekutimin e shpenzimeve buxhetore në baza ditore për të mbarëvajtur nivelin e  lartë të disiplinës fiskale.