Mitrovicë, 26 shtator - Drejtuesit e Komunës së Mitrovicës sëbashku me  pronarët e kompanive të donatorëve të shtëpiave, projektit humanitar “Ndihmo edhe ti” të mërkurën bënë përurimin e dy shtëpijave  në lagjen e boshnjakëve të ndërtuara nga kompania “Albi mall”dhe tjetra nga kompania “Zariqi”.

Po ashtu  filloi ndërtimi edhe katër shtëpive tjera në veri të Mitrovicës.

Kryetari Kastrati tha se fatmirsisht dita ditës  po ndërtohen shtëpi të reja  në pjesën veriore të qytetit për të cilën falenderoj donatorët për kontributin e dhënë në ndërtimin e këtyre shtëpijave dhe shfrytëzoj rastin për të bërë apel të gjithë premtuesve të cilët kanë premtuar donacion që ta kryejnë obligimin e vet, të aksionit humanitar “Ndihmo edhe ti” tha ai.

Ai po ashtu në shenjë falenderimi  u ndau mirënjohje donatorëve të cilët kanë ndërtuar këto shtëpi në kuadër të aksionit humanitar “Ndihmo edhe ti”.

Ndërsa, përfaqësuesi  i kompanisë “Albi mall” Betim Humolli vlerësoi lart punën dhe angazhimin e kryetarit Kastrati dhe  u shpreh se është shumë i kënaqur që  ka ndërtuar këtë shtëpi dhe që ka kontribuar në kthimin e një familjeje në këtë pjesë tha ai.

Po ashtu  i   kënaqur u shpreh edhe përfituesi i shtëpisë së ndërtuar Afrim Ajet Kelmendi nga kompania “Albi mall” me madhësi 100 m2 dhe të  mobiluar tërësisht.

Ka filluar ndërtimi edhe i katër shtëpive tjera në veri të Mitrovicës nga kompanitë që kanë premtuar mbështetje në aksionin humanitar “Ndihmo edhe ti”. Dy në lagjen “Kroi i Vitakut”,një në Lagjen e Boshnjakëve dhe një tjetër në lagjen “Sohodoll”