Prishtinë, 11 janar -  Të investohet në prodhim është njëra ndër kërkesat dhe nevojat imediate për Kosovën dhe për ardhmërinë e saj sidomos në këto momente kur sfidat ekonomike janë në rritje e sipër. Ky sektor është i vetmi që mund të krijojë vende të reja të punës përmirësim të bilancit të pagesave dhe qëndrueshmëri ekonomike që i duhet Kosovës.

Modeli i zgjedhur nga Universal Food në Fushë Kosovë ku krahas punësimit të mbi 50 punëtorëve, investimeve në teknologji moderne dhe në standarde të kualitetit të verifikuara qoftë në laboratorin modern të kësaj kompanie qoftë edhe në laboratore ndërkombëtare është çelësi i suksesit që këto prodhime të kësaj kompanie kanë depërtuar edhe në tregjet e rajonit dhe më gjërë” theksoi Kryetari i OEK-ut  z. Safet Gërxhaliu me rastin e takimit me drejtorin gjeneral  z. Sead Shehu  njëherit  bartësi i përgjegjësisë së menaxhimit dhe prodhimit.


z. Sead Shehu falënderoi Odën Ekonomike të Kosovës  për mbështetjen që i jep sektorit privat dhe njëhrit apeloi që përmes këtij institucioni të barten brengat e sektorit prodhues në Kosovë për vështirësitë me të cilat ka sektori që mund të jetë fundamental për ardhmërinë e Kosovës është duke u ballafaquar .

Është koha kur duhet të kemi politika fiskale që janë në favor të prodhimit, është koha kur na nevojitet një mbrojte kundër ekonomisë joformale dhe të kriminalizuar , është koha ku për hir të aktiviteti biznesor që janë duke zhvilluar me fermer të shumtë që numri i tyre është në rritje e sipër të gjenden forma për subvencionim të këtij partneriteti i cili është në rritje e sipër dhe në këtë mënyre të gjithë së bashku të kontribuojmë që sektori i bujqësisë për Kosovën të jetë sektor i zhvillimit ekonomik, sektor i minimizimit të tensioneve sociale dhe mbi të gjitha të krijohet një qëndrueshmëri ekonomike theksoi ai.


z. Gërxhaliu inkurajoi z. Shehun që të vazhdoi në këtë formë të dëshmuar të profesionalizmit duke thënë se dua të besoi që viti 2013 do të jetë vit i ekonomisë dhe në këtë drejtim edhe sektori i prodhimit dhe përpunimit të grurit do të jetë një ndër qëllimet e parashtruara.

Na gëzon fakti që ju e keni dëshmuar veten një kompani që është një investitor i huaj dhe me siguri profesionalizimi i juaj duhet të jetë motiv shtesë për inkurajimin e investitorëve të huaj të vijnë në Kosovë dhe në të njëjtën  kohë dëshmoni se Kosova ka kuadro profesionale me aftësi menaxheriale që mund të jenë motiv ose argument shtesë për investitorët e huaj theksoi ai.


z. Shehu theksoi se kompania në aspektin kontabël është mjaftë stabile jemi të orientuar në avancimin e partneritetit me partnerë por në të njëjtën kohë investojmë në teknologji dhe avancim të analizave laboratorike me të vetmin qëllim që të arrijmë efekte pozitive duale që nënkupton që të jemi sa më korrekt që të dëshmojmë  partneritet sa më të mirë me fermerët dhe konsumatorin vendor dhe në të njëjtën kohë prodhimet e prodhuara dhe të eksportuar nga Universal Food kudo në tregjet jashtë të jenë promotorë te vlerave të produkteve Made in Kosova.

Një motiv shtesë për kompaninë tonë është edhe fakti se ne si Universal Food  jemi fitues të tenderit  për grumbullimin e rezervave shtetërore të grurit që është edhe një motiv shtesë për një angazhim më të madh të të gjithë neve.