Prishtinë, 20 prill - Vendimi i Qeverisë së Kosovës, që të bëjë përshkallëzimin e TVSH-së, do t’i shpërblejë vetëm tregtarët dhe prodhuesit e kompanive të lidhura me pushtetin dhe ato që kanë krijuar monopole, sepse tek populli nuk do të reflektojë një zbritje e TVSH-së nga 16 në 8 për qind për disa produkte bazë.

Sipas ekspertëve, kjo gjendje vetëm sa do ta përkeqësojë situatën nëse rritja prej 12.5 për qind ndodh te produktet e tjera.

Ata janë të mendimit se Qeveria e Kosovës ka bërë hapa të gabuar dhe duhet ta mendojë më mirë se si ta kompensojë uljen e TVSH-së, jo duke rritur çmimet e produktet e tjera, por te lufta kundër evazionit fiskal.

/Kosova Sot/