Ankara, 17 qershor - Në muajin mars papunësia u ul me 10,8%, kurse numri i të papunëve ra në 2 milionë e 816 mijë vetë.

Nga ana tjetër buxheti i shtetit në muajin maj shënoi një suficit prej 2 miliardë e 835 milionë lirash turke (afro 1,4 miliardë euro).

Politikat e punësimit kanë nisur të japin rezultat.

Papunësia po ulet nga dita në ditë.

Instituti i Statistikave të Turqisë publikoi statistikat e fuqisë punëtore për muajin mars.

Përqindja e muajit mars të këtij viti në krahasim me vitin e kaluar duke u pakësuar 2,9 pikë, ka rënë në nivelin 10,8%.

Numri i të papunëve ra në 2 milionë e 816 mijë vetë.

Në të njëjtën periudhë numri i të punësuarve arriti në 23 milionë e 286 mijë persona.

Niveli i papunësisë në sektorin jobujqësor shënon 13,4%, ndërsa niveli i papunësisë tek të rinjtë u llogarit 19,3%.

Nga ana tjetër, buxheti i shtetit shënoi suficit edhe në muajin e 5-të.

Suficiti buxhetor u realizua në 2 miliardë e 835 milionë lira turke (afro 1,4 miliardë euro).

Kështu deficiti buxhetor në periudhën janar-maj, krahasuar me të njëjtën periudhë të vitit të kaluar është pakësuar me 98%.

Ministri i Financave, Mehmet Shimshek tërhoqi vëmendjen mbi rëndësinë e suficitit buxhetor në periudhën e fillimit të investimeve.

\"Për herë të parë në një kohë zgjedhjesh të përgjithshme shënojmë pothuajse zero deficit në buxhet. Ky është një sukses i jashtëzakonshëm. Këtë performancë të fuqishme do ta vazhdojmë përgjatë gjithë vitit\", përfundoi Ministri Shimshek.