Prishtinë, 23 shtator - TrePharm ka lansuar fushatën e saj të bamirësisë #KUJDESEMPERTY  ku për cdo produkt të shitur TrePharm do të ndanë 3 cent  për Shoqatën e Pensionistëve  të Kosovës. 

Me fondin e grumbulluar nga fushata #KUJDESEMPERTY  do të mundësohet renovimi i objektit  të Shoqatës së Pensionerëve të Kosovës, të cilët për një kohë të gjatë zhvillojnë aktivitet e tyre në objektin i cili është në  gjendje të vështirë për të zhvilluar aktivitet e saja ditore. Shuma e dedikuar për këtë kampanjë është 30,000 euro, ndërsa qëllimi i kësaj kampanje është që të arrihet vlera deri në 50,000 euro.

“Njëra prej qështjeve prioritare për TrePharm është  Lumturia e Njeriut, zhvillimi social dhe mbrojtja e mjedisit. TrePharm ndihet shumë krenare  të mbështetë Komuntetin e Shoqatës së Pensionerevë përmes kampanjës së bamirësisë  #KUJDESEMPERTY ku  fondi i grumbulluar nga kjo fushatë do të përdoret për renovimin e objektit të Shoqatës Së Pensionerëve,  qëllimi tjetër i rëndësishëm  është krijimi i mundësisë që të gjithë qytetarët e Kosovës të ndihen kontribues për këtë komunitet” – ka thënë Drejtori Ekzekutiv  Mërgim Prishtina

\"Ditët tona të punës, profesionit, angazhimeve kanë qenë ditët më të mira të jetës për të gjithë Ne, gjyëshërit tuaj, Prindërit e tuaj - Pensionistë, mirëpo edhe pse tash jemi  Pensionistë Ne akoma vazhdojmë të punojmë dhe të agazhohemi  me përkushtimin e njejtë në aktivitetet tona të ndryshme për tu munduar të gëzojmë  jetën  njejtë si ju, e gjithashtu  edhe për ti shërbyer këtij vendi aty ku mundemi Ne.\" 

\"Mbështetja nga TrePharm është një dhuratë shumë e rëndësishme për komunitetin tonë, renovimi i objektit të Shoqatës së Pensionerëve ka qenë njëra nga objektivat tona më të rëndësishme mirëpo për ta realizuar atë ka qenë gati e pamundur për ne, gjithashtu  akoma më e mirëseardhur është edhe  mbështeja dhe kujdesi i gjithë qytetarëve për komunitetin tonë.” – tha drejtori i Shoqatës së Pensinerëve të Kosovës- në Prishtinë – Z.Shaip Vitia

Ideatorët dhe implementuesit e fushatës Republika Communications njoftojnë se TrePharm gjithashtu profilin zyrtarë të saj në Facebook do të ja dedikoj këtij komuniteti, duke i ofruar hapësirën për publikim të thënieve të menqura, fjalëve të urta të Gjyshërve apo Prindërve Pensionerë të të gjithë  komunitetit.

Ngjarja publike për lancimin  zyrtarë të kampanjës #KUJDESEMPERTY është mbajtur sot në Shoqatën e Pensionerëve të Kosovës, prej orës 15:00.

Kjo kampanjë është kampanjë njëvjeqare dhe zhvillohet në disa faza, në fazën e parë me fondin e grumbulluar do të renovohet objekti i Shoqatës së Pensionerëve në Prishtinë, e në fazat e tjera të kampanjës do të renovohen Shoqatat e Pensionerëve në Prizren, Gjilan e për të vazhduar më tutje në qytetet e tjera të Kosovës.

Për TrePharm – Trepharm është  prodhuesi i parë i barnave, i ndërtuar sipas standardeve evropiane dhe ndërkombëtare të cilësisë.

Fabrika posedon dy njësi të prodhimit, aktualisht në funksion është njësia për prodhimin e formave të ngurta farmaceutike si: tableta, kapsula dhe pluhura për suspension oral, ndërsa në proces të finalizimit është faza e dytë me linja të reja të prodhimit sic janë: format e dozuara sterile (ampullat, pikat për sy), format e dozuara jo sterile (shurupet e lëngshme, supozitorët), forma për përdorim të jashtëm (kremrat dhe yndyrat).

Trepharm posedon edhe laboratorin për kontroll të cilësisë TreLab, i akredituar edhe për kontroll të kualitetit për palë të treta (barna dhe ushqim).