Prishtine, 24 Janar - Përfaqësues të Devolli Coorporation  vizituan Oden Ekonomike të Kosovës  udhëhequr nga Ismet Bojku CEO me bashkëpunëtorë dhe u takuan me Kryetarin e Odes Ekonomike të Kosovës Safet Gërxhaliu.
 
Në këtë takim u bisedua për situatën aktuale ekonomike në Kosovë dhe për ambientin biznesor për ndërmarrësit vendore. Jemi dëshmitar të disa presioneve përballë  bizneseve vendore që nuk është në harmoni me pretendimet Institucionale për të tërhequr investimet e huaja.

E tëra kjo është një breng e cila dua të  besojë së shpejti do të tejkalohet dhe zhvillimi ekonomik do të jetë i  orientuar drejtë sektorit privat si gjenerues më i madh i vendeve të reja të punës, përmirësimit të bilancit të pagesave dhe qëndrueshmërisë sociale por në të njëjtën kohë edhe absorbues i investimeve të huaja, theksoi Kryetari i OEK-ut Safet Gërxhaliu.

 
Përfaqësuesit  e Devolli Cooporation mirëpriten vendimin e Parlamentit të Republikës së Kosovës për një Komision hetimor në lidhje me procesin e privatizimit të  ndërmarrjes Amortizatorët duke u bazuar në përmbushje të gjitha kërkesave ligjore bazuar në transparence dhe mbështetje në forcat vendore. vetmja gjë që e dëmton rëndësinë e këtij komisioni është gjuha e përdorur në Parlament, një gjuhë  anti ekonomike, anti investore  dhe në veçanti  devalvim i vlerës së ndërmarrësit  kosovar.

 
Më  pastaj përfaqësuesit e Devolli Cooporation theksuan për traditën më se 20 vjeçare të kësaj kompanie me kapital të trashëguar edhe nga vetë themeluesi z. Ibrahim Devolli i cili e ka meritën më të madhe  për  platformën e shëndoshë qofte financiare, qofte menexheriale të  Devolli Cooporation. Prandaj mirëpresim këtë iniciative duke besuar se e vërteta do të del në shesh dhe të qetësohen diskutimet tendencioze dhe selektive kundër Devolli Cooporation.