Prishtinë, 14 prill - Fondi i  Qeverisë Bukoshi, i njohur si Fondi i 3% dhe Fondi “Vendlindja Thërret”, akoma nuk janë bërë transparente para qytetarëve, para Parlamentit legjitim të Republikës së Kosovës, për mënyrën se si janë shpenzuar mjetet e atyre fondeve  të grumbulluara kryesisht nga Diaspora kosovare. 

Njohës të fushës së sundimit të ligjit, analistë politikë dhe ekspertë të financave konsiderojnë se tani është momenti më i përshtatshëm që për këto dy fonde dhe fatin e Dardania Bank të  zbardhen të gjitha procedurat e  funksionimit deri në shfrytëzimin e mjeteve të fundit  të arkës së shtetit të Kosovës,  që ka funksionuar paralel me sistemin okupues serb..

/Kosova Sot/