“Termokos”-i rikthen ngrohjen në Prishtinë
Ky njoftim është dhënë të hënën nëpërmjet një komunikate lëshuar nga “Termokos”-i, në të cilën është thënë se pavarësisht se më 1 prill ishte lajmëruar ndërprerja e furnizimit me ngrohje nëpërmjet kogjenerimit për arsye se Blloku 1 i Termocentralit “Kosova B” është ndalur për remontin e planifikuar, ngrohtorja do të riaktivizohet me mazut.
“Si rrjedhojë e temperaturave të ulëta ‘Termokos’-i, është detyruar që gjatë ditës së sotme t’i aktivizojë kaldajat vetjake me mazut për ngrohje.
Ngrohja nëpërmjet kaldajave me mazut do të vazhdojë varësisht nga temperaturat e jashtme atmosferike”, është thënë në njoftimin e “Termokos”-it.
