Të zbardhen fondet qindra milionëshe
Këta njerëz te fondi \"Vendlindja thërret\" janë Hashim Thaçi, Azem Syla e të tjerë, ndërsa te Fondi i 3-përqindëshit janë Bujar Bukoshi, Isa Mustafa, ish-ministra të Qeverisë Bukoshi, etj.\", është shprehur profesor Muhamet Kelmendi
Fondi i 3-përqindëshit dhe \"Vendlindja thërret\" ishin mbështetur nga diaspora me qëllim që të ndihmojnë Kosovën në rrethanat e luftës.
Por, sot e kësaj dite nuk dihet se sa mjete financiare janë dhënë gjithsej, sa janë shpenzuar për luftën dhe sa kanë mbetur e ku kanë shkuar.
As organet hetuese, edhe pse janë marrë prej disa vitesh me këtë çështje, nuk kanë mundur të dalin me ndonjë epilog, me pretendimin se nuk kanë prova, ashtu siç ndodh rëndom kur në hetime janë zyrtarë të lartë.
Një nga themeluesit e fondit \"Vendlindja thërret\", Muhamet Kelmendi risjell në vëmendje çështjen e fondeve në fjalë.
\"Përgjegjësit e këtyre dy fondeve nuk e kanë parë të arsyeshme të japin llogaritjet përfundimtare, pas përfundimit të luftës e deri më sot. Mund të them me përgjegjësi të plotë se fondi i 3- përqindëshit është krijuar në vitin 1992 nga ana qeverisë që ka dalë nga LDK-ja, e udhëhequr nga Bujar Bukoshi, ndërsa ministri i Financave në atë kohë e deri në përfundimin e luftës ka qenë Isa Mustafa, i cili natyrisht është përgjegjësi kryesor për të dhënë llogari dhe për të folur për mënyrat se ku kanë shkuar ato mjete, çfarë është bërë me to dhe se ku gjenden.\"
/\'Kosova Sot\'/
