Stokholm, 6 mars - Papunësia vitin e kaluar arriti mesatarisht në 8,3 për qind të fuqisë punëtore. Kjo do të thotë se 408 000 njerëz ishin të papunë, një rritje me 104 000 krahasuar me vitin 2008. Kështu tregojnë shifrat nga byroja qëndrore statistikore e Suedisë (SCB).

Punësimi është zvogëluar paralelisht me 94 000 persona dhe mesatarisht në 2009 arriti në 4 499 000 të moshave prej 15-74 vjet.

Sa i përket numrit, punësimi është ulur më së shumti në Västra Götaland, minus 25 000 persona.

Aty në mes tjerash përfshihet një pjesë e madhe e industrisë së automobilave suedez.