Athinë, 29 shkurt - Agjencia e vlerësimit financiar ”Standard and Poor’s” uli dje vlerësimin për mundësinë e pagesave nga Greqia në “SD”, nivel që i korrespondon “dështimit të pagesës selektive”, për të marrë parasysh ristrukturimin e borxhit publik grek.

Agjencia S&P theksoi në një komunikatë se parashikon të rrisë vlerësimin e vendit në nivelin CCC, vlerësim i atribuar për emetuesit me cilësi të dobët që përbëjnë një rrezik të vërtetë për mos rimbursimin, kur ky operacion do të jetë integralisht i realizuar rreth mesit të muajit mars.