Nikozia, 12 prill - Agjencia Standard and Poor's ndryshoi nga negativ në të qëndrueshëm vlerësimin për Qipron, teksa të premten pritet vendimi përfundimtar për ndihmën financiare nga Eurogrupi.

"Ndryshimi bëhet për shkak të pritshmërive se qeveria qipriote do të jetë dakord me termat e asistencës financiare prej 10 miliardë eurosh", tha Standard and Poor's.

Megjithatë agjencia mbajti të pandryshuar vlerësimin për borxhet afatshkurtra e afatgjata të Qipros, duke theksuar se rreziqet e problemet mbeten evidente gjatë implementimit të strategjisë për përshtatjen ekonomike.