Madrid, 20 tetor - Kryeministri spanjoll Mariano Rajoy deklaroi se vendi po del nga kriza ekonomike, duke folur të shtunën në samitin e 23-të Ibero-Amerikan. Ai parashikoi gjithashtu që në vitin 2014, rritja ekonomike do të arrijë në 0.7%.

Rajoy bëri të ditur se një sërë masash të marra nga qeveria spanjolle kanë dhënë efekt dhe se ekonomia e Spanjës është bërë e shëndetshme dhe e konsoliduar.

\"Tregtia e jashtme ka shënuar përsëri rritje dhe besim në treg është rimëkëmbur, tha Rajoy, duke shtuar se ruajtja e ritmit të rritjes, shtimi i mëtejshëm i vendeve të punës dhe ngritja e nivelit të jetesës janë faktorë kyçë për ekonominë e vendit.

Rajoy vlerësoi rolin e Amerikës Latine në mëkëmbjen e ekonomisë spanjolle, duke u shprehur se megjithëse situata ekonomike botërore ka ndryshuar, Amerika Latine ka ende rëndësi të veçantë për Spanjën dhe për vetë rajonin. \"Spanja do të thotë shans biznesi,\" tha Rajoy.