Sot hapet Panairi i Punës
Në një tendë në hapësirë të hapur në kampusin e Universitetit të Prishtinës, përballë Bibliotekës Kombëtare Pjetër Bogdani, të rinjtë dhe punëkërkuesit e tjerë do të kenë mundësi që gjatë dy ditëve të ardhshme të interesohen për mundësitë e punësimit dhe të punës praktike me disa prej kompanive më të mëdha dhe më serioze në vend.
Tema e edicionit të këtij Panairi do të jetë përkrahja e diversitetit në vend të punës, ndërsa në kuadër të Panairit me fillim nga ora 11.00 do të mbahet edhe një konferencë me titullin Përgatitja dhe Diversitetit në Punësim, ku anëtar të panelit do të jenë Ministri i Punës Arban Abrashi, Drejtori Ekzekutiv i Odës Amerikane Arian Zeka, Kryesuesja e Komitetit të Burimeve Njerëzore të Odës Amerikane Arta Celina, Shefi Ekzekutiv i Kompanisë The Headhunter Elton Ilirjani dhe Kryesuesi i Komitetit të Edukimit të Odës Amerikane Alejtin Berisha.
