Prishtinë, 26 tetor- Situata aktuale e bizneseve është përmirësuar dukshëm në tremujorin e tretë të vitit 2013 , pothuajse në të gjithë sektorët kanë kontribuar në këtë situatë përveç sektorit të prodhimit ku situata ka mbetur pothuajse e njëjtë, është vlerësimi i nga hulumtimi i indikatorëve matës të tendencës në biznes për tremujorin e tretë të këtij viti prezantuar sot në Odën Ekonomike të Kosovës.

Ky hulumtim tregon se situata ka qenë posaçërisht e përmirësuar për sektorin e ndërtimtarisë por edhe për tregtinë me shumicë, ndërsa pritjet për të ardhmen janë më pak optimiste në krahasim me tremujorët e kaluar.

Me ketë rast kryetari i OEK-ut, Safet Gërxhaliu tha se Monitori i Biznesit Kosovar është organizuar nga OEK-u si studimi i vetëm i këtij lloji i cili është mjaft i njohur dhe shume i çmuar ne nivel ndërkombëtar .

“ Ai jep informacion te vlefshëm për sektorët e biznesit rreth zhvillimit aktual dhe te ardhshëm po ashtu dhe pengesat kryesore te biznesit qe tregohen nga sektori i biznesit . OEK përmes këtij studimi synon qe përveç informimit dhe  perceptimit te komunitetit te biznesit  për tendencat e bizneseve si dhe për te promovuar vlerat e biznesit te Kosovës dhe te kontribuoj me harmonizimi e tyre me vlerat evropiane “, tha Gërxhaliu.

Gërxhaliu tha se me mbështetje nga GIZ-i gjerman ky studim është kryer për here te trete ,tremujori i trete 2013 dhe se OEK me disa aktivitete te saj synon te rris nivelim e përgjithshëm te ndërgjegjësimit te shoqërisë me lidhje me vlerën e ndermarresise qe posedon Kosova lidhur me ketë një rol te rëndësishëm ne krijimin e këtyre vlerave te brendshme ne Kosove dhe vendosja e tyre ne tregun rajonal dhe atë ndërkombëtar  ka komuniteti i biznesit i cili ndikon ne përmirësimin e mirëqenies ekonomike dhe shoqërisë ne përgjithësi me tutje përmirëson imazhin e vendit tone edhe për tërheqjen e investitorëve te huaj përmes formave te ndryshme te partneritetit  .

Vlen te theksohet se një studim i tille shfrytëzohet ne me se 100 shtete te vendeve evropiane dhe me gjere dhe bazuar ne rezultatet e këtyre studimeve bëhen orientimet qeveritare çka dhe si duhet te veprohet ne aspektin ekonomik dhe cilat do te jene fushat qe duhet te mbështeten nga qeveritë e vendeve  te ndryshme, tha Gërxhaliu.

Kurse Reinhard Trenkle – Udhëheqës i sektorit ekonomik te GIZ ne  Kosove tha se ishte vet OEK-u e cila ka kërkuar kryerjen e këtij hulumtimi dhe ka qene ne ballë te këtij projekti dhe i këtyre aktiviteteve.

 “Duke u nisur nga fakti qe ne Kosovë mungojnë te dhënat, mungojnë shënimet ose nuk ekzistojnë fare apo nuk kane ndërlidhje mes vete u vendos te fillohet me këtë lloj monitorimi te klimës se biznesit ne Kosovë. .

Ishte një kërkesë e OEK dhe ishte ne përputhje edhe me projektet tona me atë qe ne kemi dashur ta arrijmë dhe duhet te themi qe fillimi nuk ka qene aq i lehte, ka një përvojë plotësisht e re një projekt i ri një teren i ri  .

Këto studime qe po bëhen janë mjafte te fuqishme domethënës dhe japin një pasqyre shume te qarte te situatës  ekonomike ne Kosove”,tha Trenkle. .

Sekretari i përgjithshëm i OEK  Berat Rukiqi duke prezantuar hulumtimin theksoi se hulumtimi është dizajnuar nga ekspertë gjermanë nga IFO Institute në Gjermani dhe se hulumtimin përdoret nga qeveritë e shumë vendeve për marrjen e vendimeve dhe parashikimin e treguesve ekonomik dhe se te njëjtat firma janë përcjell neper tremujor.

“ Situata aktuale e bizneseve është përmirësuar dukshëm në tremujorin e tretë të vitit 2013. Pothuajse të gjithë sektorët kanë kontribuar në këtë situatë përveç sektorit të prodhimit ku situata ka mbetur pothuajse e njëjtë

Situata ka qenë posaçërisht e përmirësuar për sektorin e ndërtimtarisë por edhe për tregtinë me shumicë. Pritjet për të ardhmen janë më pak optimiste në krahasim me tremujorët e kaluar

Pengesë kryesore mbetet mungesa e financave (një e treta e bizneseve kanë theksuar se është pengesë)”tha Rukiqi duke prezantuar te gjeturat e raportit.

Nga raporti shihet se vetëm 17% e bizneseve kanë theksuar se situata e tyre është e pa kënaqshme, ndërsa te dhënat tregojnë se situata e bizneseve është përmirësuar në stinën e verës.

 
“ Pritjet për punësimin kanë qenë të larta në tremujorin e parë por janë zvogëluar përgjatë tremujorëve. Rreth 75% e bizneseve presin që punësimi të mbetet i njëjtë. Ky tregues së bashku me treguesin për pritjet për të ardhmen sinjalizojnë rritje ekonomike më të vogël”, tha Rukiqi.

Rukiqi tha se indikatori për klimën e biznesit është matës i aktivitetit ekonomik në një vend.

Treguesi i klimës së biznesit është zvogëluar nga tremujori i parë në të dytin dhe ka mbetur pothuajse I pandryshuar në tremujorin e tretë”, tha ai.