Prishtinë, 7 korrik - Ministrja Bajrami priti në takim kryetarin e Sindikatës së Sektorit Privat Jusuf Azemi, me të cilin bashkëbisedoi lidhur me gjendjen ekonomike dhe sociale të krijuar në Kosovë gjatë kohës së pandemisë COVID-19, si dhe për masat të cilat po i ndërmerr Qeveria e Kosovës për të ndihmuar sektorin privat.

Ministrja Bajrami e njoftoi përfaqësuesin e Sindikatës së Pavarur të Sektorit Privat lidhur me programin e Qeverisë së Kosovës për rimëkëmbjen ekonomike.

Ajo nënvizoi se Ministria e Financave, së bashku me institucionet përgjegjëse, është duke punuar në krijimin e politikave nxitëse ekonomike duke pasur në vëmendje edhe përmirësimin e kushteve të punëtorëve në sektorin privat. 

Drejtori i Sindikatës së Sektorit Privat e njoftoi Ministren Bajrami me punën dhe aktivitetet e kësaj sindikate.

Ai theksoi se presin nga Qeveria e Kosovës që të punojë me vendosmëri në përmirësimin e pozitës dhe mirëqenies së punëtorëve të angazhuar në sektorin privat. ​